Si Kabayan Indit ka sawah bari mawa usep jeung korang. Geus nepi ka sawah, Si Kabayan neangan tempat nu mernah tuluy diuk. Nyokot usepnya clom di anclomkeun ka sawah. tuluy cicing bae nungguna tutut nyanggut kana usep. Si Kabayan diuk teh geus lila ampir sa jamna tapi euweuh hiji oge nu nyangut
"Na ari maneh tutut, euweuh nu lapar? ieu cacing ngenah, hakan gera!" ceuk si Kabayan bangun nu kesel.
Kacaturkeun si Itung di imah, nungguan si Kabayan ngala tutut, na bet lila lila teuing pikirna teh. Kudu disusul meureun. Jlig Nyi Iteung indit nyusul si Kabayan ka sawah. Barang ningali si Kabayan keur cinekul nundutan ngusep tutut, Nyi Iteung kesel.
"Akang, keur naon?" Ceuk si itung nyentak ka si Kabayan nu keur nundutan
Gurubug, si Kabayan hudang bangun nu kaget
"Nyai ulah gandeng, akang keur ngusep tutut, bisi kagareuwahkeun"Jawab si Kabayan
Nyi Iteung ambekna nataku
"Akaang, ari ngala tutut mah lain di usep atuh, pake sairan, turun ka sawah!" ceuk Nyi Iteung
"Ih embung ah nyai, jero pisan sawahna," Jawab si Kabayan
"Jero naon paling bincurang."Ceuk Nyi iteung
"Ah maenya, tuh tingali Nyai, jero pisan, langit ge kadeuleu,"Si Kabayan embung eleh
Kesel ku kalakuan si Kabayan, Nyi iteung nyurungkeun si Kabayan ka sawah
gejebur, si Kabayan ancrub kana sawah, kaget manehna
"et..el...ning deet nyah.."cenah bari surungah serengeh
0 komentar:
Post a Comment