Mpama Dou Mampinga Sa-Uma-Uma : kisah jenaka bahasa bima

wara wara ruana dou mampinga sa-uma uma. Mpinga amana, mpinga inana, mpingaanana, mpinga adana, ada siwena.

wara kai sabua ainaina, anana ede nalao tonggu mbeena lalo dou duana malampa, manee lao di rasa kolo. 

Edera sodi kaina ana dou ede, "E nggoke, be-ku ncai malao ese Kolo?"

Edera cambe kaina ba ana dou ede, "Mbee mbo ake mbee amaku, mbee siwe ake mbee inaku, mbee toi ake mbee ndaiku."

Edera ringa kai cambe ba anadou ede ba dou akande, "Na mpingaku pala anadou lako ake. Maira talaoku lampa."

Di Kontou dou ede, na dula ra anadou ede di umana. Pala inana wunga medina kafa.

Edera nggahi kai ba anana, "Ai Inae, wara dou duana akande masodi la mada. Cou ma ntau mbee ngenamu ede. Edera cambi kai ba la mada, mbee mbo, mbee amaku. Mbee siwe, mbee inaku. Mbee toi, mbee ndaiku."

Cambe kai ba inana, "Ai anae, ede si boco, boro si boro, sura wara ndadi salongi kai cada mboko amamu."

Ntika samporo mpara ba ede, narongga ja ra amana ma dula di doro. 

Edera nggahi kai ba inana, "Ai ama la Dambe. Na lao podara nggahi ro e dou ba anamu. Na nggahiku medi ausi ma boco si boro mandede. De cambe kaiba nahu, ededu na boco siboro, sura wara ndadi salongi kai cada mboko amamu."

Cambe kai ba rahina, "Nggahi au ma turu karawi lako ndede. bune ai nahu ma nee angi labo la Mpano? Bakaiku binata ede?"

Edera lao ngupa kaina la Mpano. Pala la Mpano wunga mba juna mubu. 

Edempara nggahi kaiba rumana, "Ai Mpano, nggahi puamu akande, nahu manee angi labo nggomi, binata ake loa podara nggahi. ka reeweku asamu ba nahu."

Edera cambe kai ba la Mpano, "Ai RUmae! Kone poda mpa la mada ada dou sampuru ruma, wati poda-poda cauku nduu mubu di nocu-nocu."

Ndedera nuntu ra mpama, dou ma mpinga sa uma-uma.